Postuar nga: Telnis Skuqi | 1 Maj, 2012

Reportazh / Gjirokastër: Qyteti ku media lokale “legalizon” punën e zezë

Telnis Skuqi
GJIROKASTËR – Rreth një javë më parë, zyra e tatim-taksave gjatë një kontrolli të befasishëm që ushtruan pranë radio-televizionin lokal “Alpo” në Gjirokastër, konstatuan se 3 gazetarë dhe 2 kameramanë punonin në punë të zezë prej vitesh.

Administratori i televizionit lokal nuk dinte si të justifikohej, pavarësisht se televizioni në pronësi të tij, transmetonte vazhdimisht në edicionet e lajmeve kronika denoncuese, sidomos ku bëhej fjalë për punën e zezë.
“Të paktën pesë punonjësit e televizionit, nuk përfitonin sigurimin shoqërorë dhe shëndetësorë. Ishin “penalizuar” nga pronari, i cili derdhe kontribut vetëm për 2 punonjës, për të maskuar realitetin”, shprehet burime zyrtare nga tatim-taksa.
Piro Nase, kryetar rajonal i Unionit të Gazetarëve për qarkun e Gjirokastrës, përshëndesh ndërhyrjen e tatim-taksve, ndonëse me vonesë, ndërsa shpreson se konstatime të tilla të shtrihen në çdo kompani private.
Sipas tij, shumë herë Unioni i Gazetarëve ka reaguar ashpër ndaj punës në të zezë, që operon radio televizoni “Alpo”, e cila është shembulli më i qartë i informalitetit dhe persekutimit financiarë që u bëhen gazetarëve dhe operatorëve.
Kjo media, për kryetarin e unionit, duhet të paguaj kontributet e sigurimeve shoqërore dhe shëndetësore për 10 vjet me rradhë, të 10 gazetarëve dhe operatorëve, që kanë punuar dhe punojnë ende në të zezë.
“Ky televizion mediatik i ka sjellë një dëm të konsiderueshëm shtetit, si pasojë e mungesës së zbatueshmërisë së ligjit “Për sigurime shoqërorë dhe shëndetësorë”. Pronari nuk mund të fshihet pas gishtit, të përfitoj ndaj punës së ndershme e kolegëve të mi. Këto metoda duhet të zhduken njëherë e mirë”, vijon Nase.
Nase thekson se asnjë televizion lokal nuk ka të drejtë të bëj moral apo të denoncojmë informalitetin e tregut të punës, ku vet gazetarët punojnë në të zezë.
“Sipas statistikave, gazetaria rezulton si një nga pesë profesionet më të vështira. Nëqoftëse një gazetarë i televizionit “Alpo” kërkon ndihmën mjekësore, ai është i detyruar të paguaj nga xhepi. Me pak fjalë, fati i gazetarit varet në dorën e administratorit. Ky është turp!”, shprehet i revoltuar Nase.
Në qytetin e Gjirokasrës formaliteti i punës në të zezë është legalizuar, ndërsa institucionet e specializuara nuk ushtrojnë kontrolle të vazhdueshme ndaj këtyre kompanieve private, sidomos në ndërtim
“Qindra punëtorë krahu që vijnë në jug të vendit nga Shqipëria e Mesme dhe Veriut, janë detyruar të punojnë të majë të skelave, pa u paguar vjetërsia në punë. Vetëm gjatë këtij viti, kanë humbur jetë 2 punëtorë ndërtimi,. ndërsa 15 janë plagosur. Fatkeqësisht të lënduarit nuk kanë përfituar asnjë qindrakë nga Sigurimet Shoqërore, të gjithë punonin në të zezë”, shprehet një specialistë i sigurimeve.
I njëjti zyrtarë thekson se mos pagimi i sigurimeve shoqërore dhe shëndetësore ka efekt domoni.
Sipas tij, çdo individë mbi 18 vjeç, është i detyruar të derdh kontribut për të përfituar shërbime shëndetësore dhe shoqërore.
“Në rrimë shtrembët dhe të flasim drejtë. Vetëm dhjetë nga dyzetë kompani private që ushtrojnë aktivitet fitimprurës në rrethin e Gjirokastrës paguajnë sigurimeve, pjesa tjetër paguan pak ose aspak”, pohojnë zyrtari.

About these ads

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Log Out / Ndryshoje )

Figurë Twitter-i

Po komentoni duke përdorur llogarinë tuaj Twitter. Log Out / Ndryshoje )

Foto Facebook-u

Po komentoni duke përdorur llogarinë tuaj Facebook. Log Out / Ndryshoje )

Google+ photo

Po komentoni duke përdorur llogarinë tuaj Google+. Log Out / Ndryshoje )

Po lidhet me %s

Kategori

Ndiqe

Merreni çdo postim të ri drejt e te email-et tuaja.

Bashkojuni 563 ndjekësve të tjerë

%d bloggers like this: