Gjirokastër / Borchardt: “Kriza politike nuk ndikon në liberalizimin e vizave për shqiptarët”

Nga Telnis Skuqi
GJIROKASTËR – “Kriza politike në vend nuk ka lidhje me procesin e liberalizimit të vizave për shqiptarët”, deklaroi ambasadori gjerman në Shqipëri, Bernd Borchardt në Gjirokastër të hënën, në ditën e parë të vizitës së tij dy ditore në Gjirokastër.

Borchardt u bëri thirrje dy forcave politike të zgjidhin mosmarrëveshjet që janë shfaqur pas zgjedhjeve të 28 qershorit 2009, që sipas tij, është në dobi të konsolidimit të sistemit të demokracisë.
“Presim që të dy palët të ulen në tryezë për të zgjidhur ngërçin politik”, tha Borchardt.
I shoqëruar nga kryetari i Bashkisë së Gjirokastrës, Flamur Bime, ambasadori gjerman komentoi procesin e liberalizimit të vizave, duke u ndaluar në plotësimin e dy kushteve kryesore që është kërkuar disa muaj më parë nga Komisioni Europian.
“Përmirësimi i infrastrukturës së sistemit të deportimit të emigrantëve (riatdhesimi), lufta kundër korrupsionit dhe krimit të organizuar, janë dy kërkesat që qeveria shqiptare duhet t’i përmirësojë deri në fund të sezonit të verës”, tha Borchardt.
Ambasadori gjerman nënvizioi se Komisioni Europian, në fillim të shtatorit, do të rishikojë në terren përmirësimin e kushteve dhe më më pas do të vendosë për liberalizimin e vizave me afat të shkurtër.
“Lufta kundër krimit të organizuar është një element shumë i rëndësishëm për përafrimin e Shqipërisë në strukturat e Bashkimit Europian”, shtoi ai.
Borchardt, theksoi më tej, se Qeveria Gjermane gjatë 20 viteve të fundit ka akorduar për Shqipërinë mbi 1 miliard euro, prej të cilave 200 milionë euro vetëm gjatë dy viteve të fundit.
“Disiplinimi i ujit të pijshëm, si dhe përmirësimi i infrastrukturës së rrjetit të energjisë elektrike janë dy investimet kyçe ky qeveria gjermane po investon për popullatën”, tha Borchardt.
Sipas tij, qeveria Gjermane do të japë një kontribut të vyer edhe për zhvillimin e turizmit në Shqipëri.
“Unë do t’i rekomandoj qeverisë gjermane të investojë fort në fushën e turizmit natyror, historik dhe kulturor”, tha Borchardt.

Advertisements

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s